მოგეხსენებათ, რომ გერმანელი სპეციალისტი, იურგენ კლოპი 2008-2015 წლებში დორტმუნდის “ბორუსიაში” მუშაობდა. 2010-2014 წლებში კი კლუბის ღირსებას პოლონელი შემტევი, რობერტ ლევანდოვსკიც იცავდა.
ამ დროისთვის ლევანდოვსკი კატალონიის “ბარსელონას” ღირსებას იცავს. მან თავის ყოფილ მწვრთნელსა და დამრიგებელზე, იურგენ კლოპზე ისაუბრა.
“იურგენს საუცხოო ხასიათი აქვს. მას შეუძლია იყოს შენთვის მამა, რომელიც ყველაფერში გეხმარება. თუმცა კლოპი ასევე სულ წინსვლისკენ გიბიძგებს” - განაცხადა პოლონელმა თავდამსხმელმა.
კლოპმა და ლევანდოვსკიმ ბუნდესლიგა ორჯერ მოიგეს, ერთხელ ჩემპიონთა ლიგის ფინალშიც იყვნენ.