"ვფიქრობ, რომ მესი ფეხბურთის ისტორიაში საუკეთესოა" - როჯერ ფედერერი არგენტინელზე საუბრობს

19-09-2022, 14:51

Aa Aa

გაზიარება:

ჩოგბურთის ლეგენდამ, როჯერ ფედერერმა უცხოურ მედიასთან მიცემულ ინტერვიუში არგენტინელ ფეხბურთელზე, ლეონელ მესიზე ისაუბრა და განაცხადა:

"ვფიქრობ, რომ მესი ფეხბურთის ისტორიაში საუკეთესოა. მისი თამაშის ყურება მსიამოვნებს და იმედს ვიტოვებ, რომ ერთ დღესაც არგენტინელი მსოფლიო ჩემპიონატს აუცილებლად მოიგებს" - განაცხადა შვეიცარიელმა სპორტსმენმა.

35 წლის ფეხბურთელი 2014 წელს ძალიან ახლოს იყო მსოფლიო ჩემპიონატის მოგებასთან, როდესაც არგენტინის ეროვნული ნაკრები ფინალში გერმანიასთან დამარცხდა მინიმალური ანგარიშით 1-0.

მესი მსოფლიოში ყველაზე პრესტიჟულ ტურნირზე დიდი ალბათობით ბოლოჯერ იასპარეზებს, რომელიც სტარტს ორ თვეში აიღებს. ჩემპიონატი 20 ნოემბერს მასპინძელი ქვეყნის, ყატარის და ეკუადორის შეხვედრით გაიხსნება.