ენდრიკი "რეალს" დატოვებს? - ბრაზილიელს პრემიერ ლიგაში ეპატიჟებიან

ლონდონის "ჩელსი" ზაფხულის სატრანსფერო ფანჯრისთვის შეტევის ხაზის გაძლიერებას გეგმავს და ესპანური გამოცემა DefensaCentral-ის ინფორმაციით, მათი სამიზნე მადრიდის "რეალის" 18 წლის ბრაზილიელი ფორვარდი, ენდრიკია. "არისტოკრატები" მზად არიან ახალგაზრდა ტალანტში 70 მილიონი ფუნტი სტერლინგი გადაიხადონ, რაც განპირობებულია ფეხბურთელის მიერ "რეალში" მცირე სათამაშო დროის მიღებით (მიმდინარე სეზონში 32 მატჩში მხოლოდ 562 წუთი და 7 გოლი).

"ჩელსი" იმედოვნებს, რომ ამ ფაქტორის გამოყენებით შეძლებს ენდრიკის დათანხმებას, რომელიც "რეალში" 2022 წელს "პალმეირასიდან" გადავიდა და გუნდში თამაშის უფლება 2024 წლის ზაფხულში, სრულწლოვანების მიღწევის შემდეგ მიიღო.

მიუხედავად მცირე სათამაშო დროისა, მას უკვე აქვს გატანილი მნიშვნელოვანი გოლები, რაც მის დიდ პოტენციალზე მიუთითებს.

"ჩელსის" გარდა, ენდრიკით სხვა ევროპული გრანდებიც ინტერესდებიან.

მოსალოდნელია, რომ "ჩელსის" მთავარი მწვრთნელი ახალგაზრდა თავდამსხმელში გუნდის შეტევითი პოტენციალის გაძლიერების დიდ იმედებს ამყარებს, რაც გუნდის გრძელვადიანი პროექტის ნაწილია.