"სწორი ქნეს, რომ კვარაცხელია გაყიდეს" - მირჩა ლუჩესკუ ხვიჩას ტრანსფერზე და ნაპოლიზე

გუშინ, 15:44

Aa Aa

გაზიარება:

ხვიჩა კვარაცხელიას ნაპოლიდან წასვლას და ამავე გუნდის სერია A-ში ასპარეზობას რუმინეთის ნაკრების დამრიგებელი, მირჩა ლუჩესკუ ეხმაურება.

მისი თქმით, კვარას წასვლა მნიშვნელოვანი დანაკლისია, თუმცა კონტეს გუნდი ჩემპიონობისთვის მაინც იბრძოლებს.

ვფიქრობ, ფავორიტები ინტერი და ნაპოლი არიან, გამარჯვებულის ბედი კი ბოლო ტურებში უნდა გადაწყდეს. ამ ორში ინტერს მეტად გამოცდილი ფეხბურთელები ჰყავს, ნაპოლიმ კი კვარაცხელია გაუშვა, თუმცა გასათვალისწინებელია კონტეს ფაქტორიც, რომელმაც სტაბილურ გარემოს მაინც მიაღწია.

მიმაჩნია, რომ ნაპოლიმ ხვიჩას გაშვებით სწორი გადაწყვეტილება მიიღო. მათ 70 მილიონი გამოიმუშავეს და სწორ მუშაობას აგრძელებენ.

- თქვა ლუჩესკუმ.