შემოგვიერთდით

"კვიპროსის წინააღმდეგ რთული იქნება, მაგრამ.." - რას ამბობს ირის ანტმანი

22-02-2025, 18:25

Aa Aa

გაზიარება:

საქართველოს ქალთა ეროვნული ნაკრების მთავარმა მწვრთნელმა კომენტარი ანდორას დამარცხების და მომავალი მატჩის შესახებ გააკეთა.

ანდორა თავს ძალიან კარგად იცავდა. თუმცა, ამის მიუხედავად, ბევრი საგოლე მომენტი გვქონდა. ჩვენი შანსები ვერ გამოვიყენეთ, მაგრამ ეს გამოცდილებაა. ზოგჯერ გვიწევს დაცვიდან თამაში, ზოგჯერ კი უფრო შემტევები უნდა ვიყოთ და დაცვაში ჩამჯდარი გუნდების წინააღმდეგ ასე ვითამაშოთ. ჩვენმა ფეხბურთელებმა ხასიათი გამოავლინეს, როდესაც გაშვებული გოლის შემდეგ მეტოქეს ორი გავუტანეთ.

იგივე გავაკეთეთ ლუქსემბურგის წინაააღმდეგ. ასე რომ, ეს არ იყო პირველი შემთხვევა. თუმცა, ვიმედოვნებ, რომ ამის გაკეთება უკანასკნელად მოგვიწევს და მომავალში პირველები ჩვენ გავიტანთ, რაც გამარჯვებას გაგვიადვილებს. შემდეგი შეხვედრა კვიპროსთან გვაქვს, რომელიც უკვე დამარცხებული გვყავს. თუმცა, მათ ახალი მწვრთნელი და ახალი ფეხბურთელები ჰყავთ. ვიცით, რომ რთული თამაში გველის, მაგრამ იმედი გვაქვს, რომ მიზანს მივაღწევთ და სამ ქულას მოვიპოვებთ.

- თქვა ირის ანტმანმა.