შემოგვიერთდით

ლუკა ტონი: "კვარაცხელიას და მთელ საქართველოს ერთ რამეს გისურვებთ"

11-09-2024, 19:31

Aa Aa

გაზიარება:

საქართველოს ეროვნული ნაკრები წარმატებით სვლას განაგრძობს. ამჯერად ვილი სანიოლის გუნდმა გასვლაზე ალბანეთი დაამარცხა და ერთა ლიგაზე ერთპიროვნულად გალიდერდა.

ჩვენი გუნდის შესახებ კომენტარი იტალიის ეროვნული ნაკრების ყოფილმა თავდამსხმელმა, ლუკა ტონიმ გააკეთა, რომელმაც კვარაცხელია საჯაროდ შეაქო, საქართველოს ნაკრებს კი მსოფლიოს ჩემპიონატზე გასვლა უსურვა.

საქართველოს ნაკრებმა ევროზე თამაშის უფლება პირველად მოიპოვა, გუნდი ფინალურ ეტაპზეც წარმატებით გამოვიდა და კარგი შთაბეჭდილება დატოვა. მინდა, ამის გამო საქართველოს ნაკრები შევაქო.

რაც შეეხება კვარაცხელიას, მან თავისი კლასი უკვე აჩვენა. ჩვენ ბედნიერება გვაქვს, რომ ის იტალიის სერია A-ში თამაშობს. კვარას შესახებ ყველაფერი ვიცით – ის მნიშვნელოვანი ფიგურა და ძალიან კარგი მოთამაშეა. ვუსურვებ, რომ საქართველოს ნაკრები მასთან ერთად მსოფლიო ჩემპიონატზე გავიდეს.

- თქვა ლუკა ტონიმ.

ცნობისთვის, ტონის სხვადასხვა პერიოდში ისეთ კლუბებში აქვს ნათამაშები, როგორებიც იუვენტუსი, ბაიერნი და რომა გახლავთ, იტალიის ნაკრებთან ერთად კი ტონიმ 2006 წლის მსოფლიოს ჩემპიონატის მოგება შეძლო.