გიორგი ჩაკვეტაძის უოტფორდმა 2024/2025 წლების სეზონისთვის მომზადება ოფიციალურად დაიწყო. ინგლისურმა კლუბმა ამხანაგური მატჩი ჯილინგემის წინააღმდეგ გამართა და 2:0 დამარცხდა.
თამაშის დასრულების შემდეგ, უოტფორდის დამრიგებელმა, ტომ კლევერლიმ ჟურნალისტებთან ისაუბრა და ყურადღება გიორგი ჩაკვეტაძეზეც გაამახვილა, რომელსაც ჯილინგემთან მატჩში მონაწილეობა არ მიუღია.
გიორგი ჩაკვეტაძე? - ჩემთვის გულდასაწყვეტი მხოლოდ ისაა, რომ მასთან ხშირად შეხვედრის საშუალება არ მომეცა. მოუთმენლად ველით თუ როდის დაბრუნდება გიორგი, განსაკუთრებით კი იმ სათამაშო ფორმის შემდეგ, რაც მან ზაფხულის ტურნირზე აჩვენა.
- თქვა ტომ კლევერლიმ.
ცნობისთვის, უოტფორდი თავის მომდევნო მოსამზადებელ შეხვედრას 24 ივლისს გამართავს, მეტოქე კი შოტლანდიური ჰიბერნიანი იქნება.