მედიის მიმართვა ჩელსის: "ბევრი ფიქრი საჭირო არაა, იყიდეთ მამარდაშვილი!"

16-07-2024, 19:59

Aa Aa

გაზიარება:

ინგლისურმა 90min-მა სტატია გიორგი მამარდაშვილის შესახებ გამოაქვეყნა და ამავე მეკარის შეძენა ლონდონის ჩელსის ურჩია.

ევრო 2024-ზე საქართველოს ნაკრებმა არაერთი ადამიანის გული მოიგო, ხოლო ფაქტი, რომ ეს ქვეყანა ტურნირის 1/8-ფინალში გავიდა, დიდწილად გიორგი მამარდაშვილის დამსახურებაა.

23 წლის კარის დარაჯი ჩელსის ინტერესის სფეროში უკვე დიდი ხანია იმყოფება. ვალენსია აპირებს, რომ 40 მილიონის სანაცვლოდ გიორგის შეელიოს, ჩელსიში კი ბევრი არ უნდა იფიქრონ, მათ მამარდაშვილი უნდა გაიფორმონ.

- წერს ინგლისური გამოცემა.

შეგახსენებთ, რომ საქართველოს ნაკრების მეკარით კიდევ სხვა არაერთი გრანდი ინტერესდება, მათ შორის ბაიერნი, ინტერი, ატლეტიკო და სხვა.