30 ივნისს საქართველოს ნაკრები ევრო 2024-ის მერვედფინალურ მატჩში ესპანეთის ნაკრებს დაუპირისპირდება. კიოლნში შეხვედრა 23:00 საათზე დაიწყება, პირდაპირ რეპორტაჟს საქართველოს პირველი არხი შემოგთავაზებთ.
უეფა-მ ამ მატჩზე მსაჯები დანიშნა – შეხვედრას ფრანგი არბიტრი ფრანსუა ლეტექსიე განსჯის, მას თანამემამულეები – სირილ მუნიე და მედი რამუნი დაეხმარებიან, ვიდეორეფერიც ფრანგი – ჟერომ ბრიზარი იქნება.
ლეტექსიეს „ჯვაროსნების“ თამაში აქამდე ერთხელ უმსაჯია – 2019 წლის 8 სექტემბერს „დინამო არენაზე“ საქართველოსა და დანიის (0:0) ნაკრებების მატჩის მთავარი მსაჯი იყო.