"უნდა მოვიგოთ, ალტერნატივა არ გვაქვს" - ქართველი ფანები ხვალინდელი მატჩის წინ

ხვალინდელი შეხვედრის წინ ქართველი გულშემატკივრები სოციალურ ქსელში დიდი იმედებითა და პოზიტიურობით გამოირჩევიან.

აი, რას წერენ ისინი საქართველოსა და ლუქსემბურგის შეხვედრის შესახებ:

"უნდა მოვიგოთ, სხვა ალტერნატივა არ გვაქვს!"

"წინ დიდი მიზანია და აუცილებლად გავალთ."

"რამხელა სიხარულია და რამხელა წნეხი.. ღმერთმა გამარჯვება გვაზეიმოს!"

"სულ რომ არაფერი, დიდ ფორუმზე თამაშს ჯაბა კანკავა იმსახურებს."

"ბავშვს იმის სახელს დავარქმევ, ვინც გოლს გაიტანს."

"ფინალში გავიდეთ და იქ ხვიჩა გადადგამს საფინალო ნაბიჯს."

"დროა, რომ ჩვენმა ქვეყანამაც ნახოს დიდი სიხარული და ზეიმი."

"მჯერა ჩვენი ბიჭების. ბევრი ტანჯვა გამოგვივლია, მაგრამ ახლა ნამდვილად ჩვენი დროია."

"ობიექტურად კარგი გუნდი გვყავს, კარგ ლიგებში მოთამაშე ფეხბურთელებით. ლუქსემბურგს აუცილებლად გავაგდებთ."

"იმედი მაქვს, რომ ჰიმნს ყველა იმღერებს და ალაგ-ალაგ არ იქნება შეძახილები, ძალა ერთობაშია."

"მეტოქეს პატივისცემა, მაგრამ ეს ჩვენი შანსია და არავითარ შემთხვევაში არ უნდა გავუშვათ ხელიდან!", - წერენ ქართველი ფანები