ტურინის იუვენტუსის თავდამსხმელმა, დუშან ვლაჰოვიჩმა შეაფასა ნაპოლისთან შეხვედრა. რომელშიც მისი გუნდი დამარცხდა (1:2).
"ვწუხვარ გაფუჭებული მომენტების გამო. თუ მინდა სხვა დონეზე ასვლა, გოლი ნებისმიერ სიტუაციაში უნდა გავიტანო. სამწუხაროა, რომ ჩემი შეცდომების გამო, იუვენტუსმა ვერ მოიგო. სრული კვირა ვვარჯიშობდი იმისთვის, რონ ნაპოლის კარში გამეტანა, მაგრამ ამჯერად არ გამოვიდა" - თქვა სერბმა.
სერია ა-ს 27 ტურის შემდეგ, ტურინული გუნდი 57 ქულით მეორე ადგილზეა. თუ ინტერი დღეს ჯენოას დაამარცხებს, გუნდებს შორის სხვაობა 15 ქულამდე გაიზრდება.