როგორც გახსოვთ, 2015 წლის სუპერ თასის ფინალს საქართველომ ისტორიაში პირველად უმასპინძლა და ისტორიული შედეგიც დაფიქსირდა.
დინამო არენაზე გამართულ შეხვედრაში კატალონიის ბარსელონამ სევილიას 5:4 მოუგო, ეს კი სუპერ თასების ისტორიის განმავლობაში ყველაზე უხვგოლიანი თამაში გახლდათ.
ჩვენ კი გავიხსენოთ ლიონელ მესის თბილისური კადრები, ფეხბურთელის, რომელიც ბარსელონასა და მსოფლიო ფეხბურთის ლეგენდად სამუდამოდ დარჩება, - იხილეთ ვიდეო
თამაშის დასრულების შემდეგ ლიონელ მესიმ ქართველ ქომაგებს მადლობა საჯაროდ გადაუხადა და თქვა, რომ დინამო არენაზე ქართველებმა ბარსელონას საშინაო მოედანზე არსებული ატმოსფეროს მსგავსი გარემო შექმნეს, რამაც ლეგენდა აღაფრთოვანა.
სხვათა შორის, მესი იმასაც ამბობდა, რომ საქართველოში მომავალში აუცილებლად დაბრუნდებოდა.