როგორც ჩანს, არდა გიულერს არამარტო უზადო ტალანტი, არამედ დიდი ამბიციებიც აქვს, რაც მის უახლოეს კომენტარში იკითხება.
"მსურს, რომ გავხდე პირველი თურქი ფეხბურთელი ისტორიაში, ვინც ჩემპიონთა ლიგის თასის აღმართვას მოახერხებს", - თქვა მადრიდის რეალის მოთამაშემ.
19 წლის თურქმა ფეხბურთელმა ლა ლიგის მიმდინარე სეზონში მადრიდის რეალის მაისური 6-ჯერ მოირგო, რა დროშიც მან 2 გოლის გატანა მოახერხა.
შეგახსენებთ, რომ კარლო ანჩელოტის გუნდი ჩემპიონთა ლიგის 1/2-ფინალურ ეტაპზეა გასული, სადაც ისინი მიუნხენის ბაიერნს დაუპირისპირდებიან.