"ტორინოს" მთავარმა მწვრთნელმა, ივან იურიჩმა საქართველოს ეროვნული ნაკრების ცენტრალურ მცველ საბა საზონოვზე ისაუბრა:
"ეს ბიჭი მე ძალიან მომწონს. საბა საზონოვს სწავლისა და განვითარების ძლიერი სურვილი აქვს. ის ოდნავ ჩამორჩება ჩვენს სათამაშო კონცეფციას. კონკრეტულად, იმ რამდენიმე მოთხოვნას, რომელიც მცველებთან მიმართებაში მაქვს. უნდა ითქვას, "ლაციოსთან" ის ძალიან კარგად შემოვიდა მოედანზე, "ინტერთან" კი უფრო დაღლილი იყო" - განაცხადა "ტოროს" თავკაცმა.
ახალგაზრდა მოთამაშემ იტალიურ სერია A-ში, ტურინული გუნდის მაისური უკვე სამჯერ მოირგო. მან ტრავმა რამდენიმე დღის წინ მოიშუშა და მოედანს "ინტერთან" 40 წუთის თამაშით დაუბრუნდა.