ზაფხულის სატრანსფერო ფანჯარაზე საბა საზონოვი რუსეთის პრემიერლიგიდან "ტორინოში" გადავიდა და ნელ-ნელა სასტარტო შემადგენლობის წევრიც ხდება.
Tuttosport იტყობინება, რომ საზონოვის ტრანსფერი ნაწილობრივ მისმა ეროვნებამაც განაპირობა:
"იტალიაში რუსეთის ჩემპიონატი რელევანტური არაა. მაგალითისთვის, ჩვენთან საუდის არაბეთის ჩემპიონატს აჩვენებენ, თუმცა არა - რუსეთისას. ეს იმითაცაა განპირობებული, რომ რუსული ნაკრებები და კლუბები ფიფასგან და უეფასგან დისკვალიფიცირებულია.
იტალიური კლუბები უფრო ევროპის, აფრიკის და სამხრეთ ამერიკის ბაზრებს აკვირდებიან, თუმცა იყო გამონაკლისიც - ეს საბა საზონოვის ტრანსფერია "ტორინოში", რაც მისმა ეროვნებემაც განაპირობა. ის ქართველია, როგორც ხვიჩა კვარაცხელია. ამასთან ერთად, იტალიური კლუბები მას ევროპის ახალგაზრდულ ჩემპიონატზე აკვირდებოდნენ, სადაც ბრწყინვალედ იასპარეზა", - წერს Tuttosport.