ხვიჩა კვარაცხელიამ "ვერონას" წინააღმდეგ შესრულებული დუბლით იტალიური მედია კვლავ აალაპარაკა.
ვიქტორ ოსიმენის გარეშე დარჩენილ "ნაპოლის" მხსნელად სწორედ ქართველი გარემარბი მოევლინა, ეს კი იტალიურ პრესაში უყურადღებოდ არ დაუტოვებიათ:
"პოლიტანოს გოლის შემდეგ სცენაზე კვარაცხელია ავიდა და დუბლი შეასრულა - კვარა ისევ ფორმაშია, რუდი გარსია კი კვლავ სუნთქავს, ახლა ჩემპიონთა ლიგის დროა", - Corriere.
"როცა ხვიჩა ფორმაშია, მისი ხილვა ერთი სიამოვნებაა - გააქვს გოლები, აკეთებს ასისტებს და ულამაზესად თამაშობს", - Calciomercato.
"თუ ხვიჩას სივრცეს მისცემ, ის მიუწვდომელი ხდება. კვარა გვაიძულებს, ის გუნდი შევიყვაროთ, რომელიც რამდენიმე კვირაა კრიტიკის ქარცეცხლში იყო", - Tuttomercatoweb.