ავსტრიის ბუნდესლიგის მე-10 ტურში "შტურმმა" "ვოლფსბერგერი" გასვლაზე 2:1 დაამარცხა. გამარჯვების გოლი მე-60 წუთზე ოთარ კიტეიშვილმა ერთი შეხებითა და ლამაზი დარტყმით გაიტანა.
ქართველმა ნახევარმცველმა ბუნდესლიგის 9 მატჩში 3-ჯერ შეარხია მეტოქის კარი და ასევე 3-ჯერ გაატანინა თანაგუნდელს.
Sofascore-მ კიტეიშვილს 7,6 დაუწერა, ამ მატჩში მასზე მაღალი შეფასება მხოლოდ მის თანაგუნდელს, სარკარიას ჰქონდა - 8.0.