დღეს, მსოფლიო ჩემპიონატზე მეხუთე და მეშვიდე ადგილებისთვის მატჩები გაიმართა. მეხუთე ადგილი ლატვიამ დაიკავა, მეშვიდე ადგილი კი სლოვენიამ.
მეხუთე ადგილისთვის შეხვედრაში ლატვია ლიეტუვას დაუპირისპირდა. მატჩი სრულად ლატვიელთა უპირატესობით წარიმართა და მათ მეტოქე 98:63 დაამარცხეს. ლატვიელებისთვის ეს მიღწევა ისტორიულია, მათ მსოფლიო ჩემპიონატზე მსგავსი შედეგი არ ჰქონიათ.
სლოვენიის ნაკრებმა კი მეშვიდე ადგილისთვის დაპირისპირებაში იტალია 89:85 დაამარცხა.