ჯონი ბაკურიძის სახელობის ანგისის საწვრთნელ ბაზაზე დინამო ბათუმის ახალი მთავარი მწვრთნელი - ანდრეი დემჩენკო გუნდის მოთამაშეებს და ჟურნალისტებს კლუბის პრეზიდენეტმა არჩილ ბერიძემ წარუდგინა.
"მინდა წარმატებები ვუსურვო ბატონ ანდრეი დემჩენკოს ჩვენი გუნდის მთავარი მწვრთნელის პოსტზე. დინამო ბათუმი ბოლო წლებში ამბიციურად კლუბად ჩამოყალიბდა და ბატონ ანდრეისთან ფორს - მაჟორულ რეჟიმში მიმდინარე მოლაპარაკებების დროს ეს იყო გადამწყვეტი ფაქტორი. კლუბის ხელმძღვანელობა გულშემატკივრებთან ერთად მაქსიმალურად შეუწყობს ხელს ახალი მთავარი მწვრთნელის წარმატებულ მუშაობას და მე მჯერა რომ ჩვენ ერთად დინამო ბათუმს განვითარების ახალ ეტაპზე გადავიყვანთ", - განაცხადა ბერიძემ.