კარლოს ალკარასმა მორიგი საოცარი მატჩი ჩაატარა.
მან ჰურკაჩს დრამატულ მატჩში მოუგო და ფინალის საგზური გაინაღდა.
პირველ სეტში სრულ დომინაციას პოლონელი ფლობდა , როგორც მოწოდებებით ისე "ვინერებით' და შესაბამისად პირველი სეტი მის სასარგებლოდ დასრულდა: 6-2
მეორე სეტშიც არაჩვეულებრივად გამოიყურებოდა ჰუბი, 5-4-ზე როცა კარლოსი აწვდიდა ჰურკაჩს მატჩ პოინტიც ჰქონდა მაგრამ ვერ გამოიყენა. ამის შემდეგ ალკარასმა საგრძნობლად მოუმატა და სეტი ტაიბრეიკზე მიიყვანა , რომელიც სათავისოდ დაიტოვა და სეტებში ანგარიში გაათანაბრა: 2-6 , 7-6 (4)
"დისაიდერში" უკეთესი ალკარასი აღმოჩნდა. პოლონელი ვეღარ უმკლავდებოდა კარლოსის ცეცხლოვან და უძლიერეს დარტყმებს!
საბოლოო ჯამში ალკარასმა მატჩი: 2-6 , 7-6 , 6-3 მოიგო და ცინცინატის მასტერსის ფინალში პირველად გავიდა.
მეორე 1/2 ფინალურ მატჩში ნოვაკ ჯოკოვიჩმა საშა ზვერევი 2 სეტში დაამარცხა.
პირველ სეტში საშა შესანიშნავად თამაშობდა: მოაწოდა 10 ეისი და "ვინერებითაც" აღემატებოდა სერბს, თუმცა ნოლემ მატჩში დაბრუნება მოახერხა და ზვერევს სეტი ტაიბრეიკზე მოუგო: 7-6 ( 5 )
მეორე სეტში ფსიქოლოგიური უპირატესობა ჯოკოვიჩის მხარეს იყო და ეს სათამაშო უპირატესობაზეც აისახა. (7-6, 7-5)
ნოვაკი ფინალში კარლოს ალკარასს დაუპირსპირდება.
იხილეთ მიმოხილვა: