"ჩვენი მიზანი ჩემპიონთა ლიგის მოგებაა" - რასპადორის ვრცელი ინტერვიუ იტალიურ მედიასთან

ნაპოლიში ხვიჩა კვარაცხელიას თანაგუნდელმა, ჯაკომო რასპადორიმ ცნობილ იტალიურ გაზეთს de' Il Mattino-ს ინტერვიუ მისცა, სადაც მის ოცნებებზე, საფეხბურთო კარიერაზე და სხვა მნიშვნელოვან საკითხებზე ისაუბრა.

საყვარელი პოზიცია, სად ვგრძნობ თავს ყველაზე კარგად - "მომწონს თავდამსხმელის როლის შეთავსება, ეს ჩემი ბუნებაა. მომწონს მოედანზე ამ პოზიციის დაკავება. თუმცა, შემიძლია კარგად შევითავსო თავდაცვითი როლი, თუ ეს რა თქმა უნდა მთავარ მწვრთნელს ენდომება. სპალეტთან ერთად მე უკვე მქონდა ასეთი ტაქტიკური ევოლუცია და მზად ვარ ეს ამ სეზონშიც გავაგრძელო."

წინა სეზონის საუკეთესო მომენტი - "გოლი იუვენტუსთან? ეს მართლაც ბრწყინვალე გრძნობა იყო, თუმცა ჩემთვის უფრო მნიშვნელოვანი ატალანტასთან გამარჯვება და შინ დაბრუნების ემოცია იყო - ზეიმი და ემოცია, რომელსაც გულშემატკივარი ჩვენ გვჩუქნიდა."

გულშემატკივრები და მათი როლი - "ეს ძალაა, რომელიც ყველას აჯადოებს. ეს მხარეა, სადაც შეგიძლიათ აღიქვათ ენერგია, რომელიც არის საწვავი გუნდისთვის, ყველა ჩვენგანისთვის. შეუძლებელია ამის მიმართ გულგრილი დარჩე."