ბოლო პერიოდში თორნიკე შენგელია ბერძნულ პანათინაიკოსს დაუკავშირეს და ყველაფერი ისე ვითარდებოდა, რომ ქართველ კალათბურთელს ვირტუს ბოლონია უნდა დაეტოვებინა, თუმცა შემდეგ ამავე კლუბის გენერალურმა დირექტორმა თქვა, რომ შენგელია არ იყიდება:
"ეს სიცრუეა, თორნიკე შენგელია ჩვენი კალათბურთელია და არ იყიდება, მედიაში გავრცელებული ინფორმაცია სიმართლეს არ შეესაბამება", - თქვა ლუკა ბარალდიმ
მიუხედავად ამისა, იტალიური მედია ასახელებს სიტუაციას, რომლის სისრულეში მოყვანის შემთხვევაშიც ვირტუსი თორნიკე შენგელიას შეელევა:
"ვირტუს ბოლონია თორნიკე შენგელიას სანაცვლოდ არანაკლებ 1 მილიონ ევროს მოითხოვს. თუ გუნდი ასეთ წინადადებას მიიღებს, მაშინ თორნიკეს გაშვებაზე დაფიქრდება", - წერენ იტალიაში
შეგახსენებთ, რომ ქართველ კალათბურთელს გასულ სეზონში ვირტუს ბოლონიასთან ერთად იტალიის ჩემპიონობა შეეძლო, თუმცა ფინალის სერიებში ოლიმპია მილანოს წინააღმდეგ 4-2 დამარცხდა.