უზბეკეთის, დედაქალაქ ტაშკენტში მიმდინარე მსოფლიო ჩემპიონატზე ქართველმა ფალავანმა, ლაშა ბექაურმა (-90 კგ) კატეგორიაში იჭიდავა და საქართველოს ნაკრებს ამ გათამაშებაში პირველი ბრინჯაოს მედალი მოუპოვა.
ამის შემდეგ, 22 წლის ძიუდოისტმა ქართველ გულშემატკივრებს სოციალურ ქსელში მიმართა - "ოქრო არაა, მაგრამ იცოდეთ, რომ მთელი სულით, სისხლით და გულით თქვენთვისაა. მიყვარხართ."
შეგახსენებთ იმასაც, რომ ხვალ საქართველოს ღირსებას მსოფლიო ჩემპიონატზე - გურამ თუშიშვილი და სოფიო სომხიშვილი დაიცავენ.