საქართველოს ეროვნული ნაკრებისა და მოსკოვის “დინამოს” მოთამაშემ, საბა საზონოვმა რუსულ Sport24-თან ინტერვიუში ხვიჩა კვარაცხელიას შესახებ ისაუბრა.
“რა თქმა უნდა, კვარას იტალიის ჩემპიონობა მივულოცე. მის თამაშს სულ ვუყურებ და საჩემპიონო მატჩის ვნახე. მიუხედავად იმისა, რომ იტალიის ჩემპიონატში პირველ სეზონს ატარებს, უკვე ერთ-ერთი საუკეთესოა. ძალიან მაგარია. როცა სანაკრებო შესვენებისას ვნახავ, პირადად მივულოცავ” - განაცხადა საბამ.
იტალიის ჩემპიონატის მიმდინარე სეზონში ნეაპოლელთა 77-ე ნომრის ანგარიშზე 12 გოლი და 10 საგოლე გადაცემა მიითვალა.