იტალიის ფეხბურთელთა ასოციაციამ აგვისტოს თვის საუკეთესო ფეხბურთელად ხვიჩა კვარაცხელია დაასახელა.
აღსანიშნავია, რომ გამოკითხვაში ფეხბურთელები მონაწილეობდნენ და ქართველმა ტალანტმა ხმების უმრავლესობა, კერძოდ 68% მიიღო. ცნობილი გახდა, რომ ჯილდო და სპეციალური, ხელით მოხატული ფიგურა ქართველ ფეხბურთელს ხვალ, "ტორინოსთან" მატჩის დაწყებამდე გადაეცემა.
შეგახსენებთ, რომ ლუჩანო სპალეტისა და ივან იურიჩის გუნდების დაპირისპირება 1 ოქტომბერს, 17:00 საათზე დაიწყება.