საქართველოს მორაგბეთა ნაკრებმა რაგბი ევროპის ჩემპიონატის ნახევარფინალურ ეტაპზე რუმინეთი 31:7 დაამარცხა და მორიგი ტიტულისკენ კიდევ ერთი ნაბიჯი გადაგდა.
ამ გამარჯვებით, ბორჯღალოსნებმა რაგბი ევროპის ჩემპიონატის ფინალში თამაშის უფლება მოიპოვეს და 19 მარტს, ესპანეთის ქალაქ ბადახოსში პორტუგალიას შეხვდებიან.
შეხვედრის დასრულების შემდეგ, ჟურნალისტებთან გაკეთებულ კომენტარში, ბორჯღალოსანთა კაპიტანმა, მერაბ შარიქაძემ აღნიშნა, რომ ეს გუნდური გამარჯვება იყო და ცალკეული საუკეთესო მოთამაშე ამ სპორტში არ არსებობს.
"არ არსებობს საუკეთესო მოთამაშე, არსებობს საუკეთესო გუნდი", - განაცხადა მერაბმა.