ისტორია გრძელდება - 38 წლის სილვამ ჩელსისთან კონტრაქტი გაახანგრძლივა

11-02-2023, 15:21

Aa Aa

გაზიარება:

ტიაგო სილვამ ლონდონის ჩელსისთან ახალი კონტრაქტი გააფორმა - ინფორმაციას ამის შესახებ ინგლისური კლუბის პრესსამსახური ავრცელებს.

ახალი კონტრაქტის თანახმად, 38 წლის მცველი ჩელსის შემადგენლობაში 2024 წლის ზაფხულამდე ითამაშებს.

"ბედნიერი ვარ, რომ კარიერას ჩელსიში კიდევ გავაგრძელებ. როდესაც აქ ხელი პირველ კონტრაქტს მოვაწერე, მხოლოდ ერთ წელზე იყო გათვლილი და ახლა უკვე მეოთხე წელია აქ ვარ. ამას უბრალოდ ვერ წარმოვიდგენდი და ცხადია, ეს ჩემთვის განსაკუთრებული მომენტია", - განაცხადა სილვამ.

ცნობისთვის, ლონდონის ჩელსი პრემიერ ლიგაში 22-ე ტურის შემდეგ, 31 ქულით მე-9 პოზიციაზე იმყოფება.

Thiago Silva has signed a new contract to continue at Chelsea for a further year! 😁 pic.twitter.com/plFSNsqcUN
— Chelsea FC (@ChelseaFC) February 10, 2023