'ვიცით როგორ შევაჩეროთ' - ნაპოლის კაპიტანი პაულო დიბალას განეიტრალებაზე

როგორც იცით, ლუჩანო სპალეტის ნაპოლი თავის მომდევნო შეხვედრას ხვალ, ჟოზე მოურინიოს რომას წინააღმდეგ 23:45-ზე გამართავს.

ცხადია, ამ თამაშს საჩემპიონო რბოლაში დიდი მნიშვნელობა ექნება. ყველაფერს რომ თავი დავანებოთ, ეს დერბი დელ სოლეა, ხოლო დერბებისადმი როგორი დამოკიდებულება აქვთ იტალიაში, ეს საყოველთაოდ ცნობილია.

პლუს აღსანიშნავია "რომას" დამაჯერებელი ფორმა, რომელმაც ბოლოს მარცხი 6 ნოემბერს "ლაციოს" წინააღმდეგ განიცადა - 1:0. ეს მეტწილად კი პაულო დიბალას დამსახურებაა, რომელმაც მსოფლიო ჩემპიონატზე ოქროს მედლის მოპოვების შემდეგ, კარგი სტარტი აიღო. ახალგაზრდა ფეხბურთელის ანგარიშზე სერია A-ს ეგიდით 7 გოლი და 4 საგოლე გადაცემაა.

რა თქმა უნდა პაულოს გაჩერება მარტივი არ იქნება, თუმცა როგორც პარტნოპეის კაპიტანმა, ჯოვანი დი ლორენცომ განაცხადა, გუნდს გეგმა აქვს და მათ იციან არგენტინელის შეჩერებას გზა.

"დიბალა მსოფლიო ჩემპიონია, რომა დიდი გუნდია, ამიტომ მათ წინააღმდეგ თამაში მარტივი არ იქნება. მათ ჰყავთ შესანიშნავი ფეხბურთელები და შესანიშნავი მწვრთნელი. ვიცით, რომ რთული შეხვედრის ჩატარება მოგვიწევს, თუმცა ჩვენს გვერდით გულშემატკივრები არიან, რომლებიც ზურგს ყოველთვის გვიმაგრებენ.