ილია თოფურიამ UFC-ში მე-5 გამარჯვება მოიპოვა და ქვესაშუალო წონის TOP 10-შიც შევიდა. ქართველმა ამერიკელი მებრძოლი, ბრაის მიტჩელი მხრის სამკუთხედით დაამარცხა. თუმცა მანამ სანამ მიტჩელი პარტერში აღმოჩნდებოდა, მას ილიას მძიმე დარტყმების ატანა მოუწია. ილიამ პირველივე რაუნდში გაუჭრა მარცხენა თვალის მიმდებარე არე, მეორე რაუნდის საწყის წუთებზე ცხვირიც დაუზიანა და როგორც ბრძოლის შემდეგ გადაღებულ ფოტოზე ჩანს, მიტჩელს სახის არეში სხვა მრავალი დაზიანებაც აქვს.