"მბაპეს გაყიდვას ამიტომ არ ვნანობ" - პსჟს პრეზიდენტის გულწრფელი აღიარება

პარიზული გრანდის პრეზიდენტმა, ნასერ ალ-ხელაიფიმ, მადრიდის „რეალის“ შემტევის, კილიან მბაპეს შესახებ საჯაროდ ისაუბრა და მისი წარსული მოღვაწეობა „პარი სენ-ჟერმენში“ შეაფასა.

„ვწუხვარ თუ არა იმის გამო, რომ მბაპე დაგვტოვა? სიმართლე რომ გითხრათ, არა — არ ვნანობ. პირიქით, მადლიერება მინდა გამოვხატო იმ წლებისთვის, რაც მან ჩვენი კლუბის წარმატებისთვის გაიღო. კილიანი სრულად იხარჯებოდა და თავის საუკეთესო ვერსიას აჩვენებდა," — აღნიშნა ხელაიფიმ.

ის ასევე შეეხო პსჟ-ს სხვა გამორჩეულ ფიგურებს, რომლებიც წარსულში კლუბის წარმატებებში მნიშვნელოვან როლს ასრულებდნენ: „მადლობას ვეუბნები ლიონელ მესის, ზლატან იბრაჰიმოვიჩს, ნეიმარს და ყველა იმ მოთამაშეს, ვინც ამ კლუბის ისტორიაში საკუთარი კვალის დატოვება შეძლო.“

რაც შეეხება მბაპეს შესაძლო დაპირისპირებას ყოფილ კლუბთან: „თუ ოდესმე მოგვიწევს მასთან თამაშში შეხვედრა, მხოლოდ მაშინ ვერ ვუსურვებ წარმატებას. თუმცა, გვახსოვს, რომ წარსულ სეზონში მისი არ ყოფნის მიუხედავად, იღბალი ჩვენს მხარეს იყო.“

შეგახსენებთ, რომ ფრანგმა სუპერვარსკვლავმა პარიზული კლუბი 2024 წლის ზაფხულში დატოვა და კარიერა „რეალში“ თავისუფალი აგენტის სტატუსით გააგრძელა.