"ილიასთვის მახაჩევთან ბრძოლა ძალიან ადრეა" - UFC-ის ლეგენდა შესაძლო ბრძოლაზე

8-07-2024, 16:29

Aa Aa

გაზიარება:

UFC-ის ლეგენდარულმა მებრძოლმა მაიკლ ბისპინგმა საკუთარ გადაცემაში ილია თოფურიას და ისლამ მახაჩევის შესაძლო ბრძოლაზე ისაუბრა.

ყოფილი მებრძოლის აზრით, ილიასთვის ჯერ ისლამთან დაპირისპირება ძალიან ადრეა და სხვა მებრძოლებთან უსამართლობა იქნება.

"27 წლის მებრძოლისთვის ჯერ ძალიან ადრეა ორი დივიზიონის ჩემპიონობა - თოფურია პირველად ქამარს მაქს ჰოლოუეის წინაღმდეგ დაიცავს და სანამ ის მაღალ წონაში გადასვლას გადაწყვეტს, ტიტული მინიმმუმ სამჯერ უნდა დაიცვას.

შეუძლებელია მხოლოდ ერთი ბრძოლის მოგების შემდეგ გამოხვიდე და თქვა, ახლავე მინდა შემდეგი - არავითარ შემთხვევაში, ეს ასე არ მუშაობს, რადგან ყველა სხვა კანდიდატის მიმართ უსამართლობა იქნება", - განაცხადა ბისპინგმა.