საუკეთესოთა შორის საუკეთესო - ლაშა ბექაურის მორიგი ბრწყინვალე შედეგი

7-06-2024, 01:30

Aa Aa

გაზიარება:

ოლიმპიური ჩემპიონი ლაშა ბექაური ევროპის ოლიმპიურმა კომიტეტებმა ევროპული თამაშების საუკეთესო სპორტსმენად დაასახელა.

რუმინეთის დედაქალაქ ბუქარესტში ევროპის ოლიმპიური კომიტეტების რიგით 53-ე გენერალური ასამბლეა მიმდინარეობს, რომლის ფარგლებშიც გაიმართა ევროპის ოლიმპიური კომიტეტების გალა დაჯილდოების ცერემონია.

2023 წლის მესამე ევროპული თამაშების საუკეთესო მამაკაც სპორტსმენად დასახელდა და სპეციალური ჯილდო გადაეცა ოლიმპიურ ჩემპიონს, ევროპის ჩემპიონს და მესამე ევროპული თამაშების გუნდურ ჩემპიონს, მრავალი საერთაშორისო ტურნირის გამარჯვებულს, ძიუდოისტ ლაშა ბექაურს. აღნიშნული ჯილდო ოლიმპიურ ჩემპიონს გადასცეს საერთაშორისო ოლიმპიური კომიტეტის პრეზიდენტმა თომას ბახმა და ევროპის ოლიმპიური კომიტეტების პრეზიდენტმა სპიროს კაპრალოსმა.