იტალიელმა საფეხბურთო ანალიტიკოსმა, ენრიკო ფედელემ ნაპოლის, როგორც გუნდის და მისი ფეხბურთელების ფსიქოლოგიური მდგომარეობა შეაფასა.
მას მიაჩნია, რომ ვიქტორ ოსიმენის 10-ჯერ გაზრდილი სახელფასო ანაზღაურება ნაპოლის დანარჩენ ფეხბურთელებზე უარყოფით გავლენას ახდენს. ცხადია, ფედელე ყველასთან ერთად ხვიჩა კვარაცხელიასაც გულისხმობს, რომლის კონტრაქტის გაუმჯობესებაზეც ჯერ კიდევ არაფერი ისმის.
ენრიკო ფედელე თვლის, რომ კვარაცხელიასა და მისი გარემოცვის უკმაყოფილება ლოგიკურია, ნაპოლი კი არასწორად, დაუბალანსებლად იქცევა.
შეგახსენებთ, რომ ხვიჩა კვარაცხელიამ გუნდთან ერთად სრულფასოვნად ივარჯიშა და საკმაოდ დიდი შანსია იმისა, რომ ქართველმა ტალანტმა კვირას მონცასთან ითამაშოს.