ევრო 2024-ზე მოთამაშე ფეხბურთელების კლუბები უეფასგან კომპენსაციის სახით კონკრეტულ თანხას მიიღებენ.
უეფამ ამ კლუბებისთვის ჯამში 140 მლნ ევრო გამოყო. ეს თანხა 3 კატეგორიად დაიყოფა. პირველი კატეგორიის კლუბები თითოეულ მათ მოთამაშეზე, რომელიც ევრო 2024-ზე იასპარეზებს, დღეში 10 000 ევროს მიიღებს, მეორე კატეგორიის კლუბები 6670-ს, ხოლო მესამე - 3330-ს.
მაგალითისთვის რომ ავიღოთ "აპოელი", სადაც 2 ქართველი ფეხბურთელი ირიცხება ლაშა დვალისა და გიორგი ქვილითაიას სახით, რომლებიც, დიდი ალბათობით აუცილებლად იასპარეზებენ კონტინენტის პირველობაზე. მათთან ერთად სლოვენიელი მეკარე ვიდ ბელეციც იასპარეზებს საკუთარი ნაკრებისთვის, შესაბამისად, "აპოელს" ევროპაზე 3 წარმომადგენელი ეყოლება და თითოეულ მოთამაშეზე ჯამში 75 ათას ევროს მიიღებს.
თუ საქართველოს ან სლოვენიის ნაკრები ჯგუფურ ეტაპს გასცდება და ფლეი ოფში გავა, რა თქმა უნდა, ეს თანხაც გაიზრდება.