შემოგვიერთდით

VIDEO: საბა ლობჟანიძის პირველი გოლი MLS-ის ახალ სეზონში

18-03-2024, 16:18

Aa Aa

გაზიარება:

საბა ლობჟანიძემ ამერიკის ჩემპიონატში (MLS) გოლი გაიტანა და ატლანტა იუნაიტედს ორლანდო სიტის დამარცხებაში დაეხმარა – 2:0.

საქართველოს ნაკრების ნახევარმცველი (რომელიც ვილი სანიოლმა ევრო 2024-ის პლეიოფის მატჩებისთვის არ გამოიძახა) ატლანტა იუნაიტედის ძირითად შემადგენლობაში მოხვდა, 85 წუთი ითამაშა და მოედანზე ერთ-ერთი გამორჩეული იყო.

ატლანტამ ანგარიში მე-9 წუთზე ლობჟანიძის ზუსტი დარტყმით გახსნა – ქართველმა ნახევარმცველმა ორლანდო სიტის კარი გეორგიოს გაკუმაკისის შესანიშნავი გადაცემის შემდეგ აიღო და გუნდს ტაიმი მოაგებინა – 1:0.

შესვენების შემდეგ ატლანტამ უპირატესობა ორამდე გაზარდა, გუნდის შეტევა თავად ბერძენმა გაკუმაკისმა დააგვირგვინა – 2:0.

ატლანტა იუნაიტედმა 3 ტურის შემდეგ ექვსი ქულა დააგროვა და აღმოსავლეთ კონფერენციის სატურნირო ცხრილში მე-7 ადგილზეა.