შემოგვიერთდით

რევოლუციური ცვლილება ჩემპიონთა ლიგაზე - რას აპირებს უეფა

25-04-2025, 17:24

Aa Aa

გაზიარება:

უეფამ შესაძლოა სერიოზული სიახლეები შემოიღოს ჩემპიონთა ლიგის ფორმატში – საუბარია იმაზე, რომ 2025-2026 წლების სეზონიდან პლეი-ოფის ეტაპზე დამატებითი დრო გაუქმდეს, ხოლო ფრის შემთხვევაში გუნდები პირდაპირ პენალტების სერიაზე გადაინაცვლებენ.

ეს ინოვაციური იდეა, როგორც იუწყებიან, დაკავშირებულია ფეხბურთელების გადატვირთულ გრაფიკთან. ორგანიზაციაში მიაჩნიათ, რომ ასეთი ცვლილება ხელს შეუწყობს სპორტსმენების დატვირთვის შემცირებას და ტრავმების რისკის შემცირებას.

გარდა ამისა, უეფა ასევე განიხილავს წარსულში მოქმედი წესი აღადგინოს – კერძოდ, რომ მერვედფინალურ ეტაპზე ერთი და იგივე ქვეყნის კლუბები ერთმანეთს ვერ შეხვდნენ. აღნიშნული წესი მიმდინარე სეზონის წინ გაუქმდა, თუმცა შესაძლოა ისევ დაბრუნდეს.

ჯერჯერობით არც ერთი ინიციატივა ოფიციალურად დამტკიცებული არ არის – ორივე საკითხი განხილვის პროცესშია და საბოლოო გადაწყვეტილება უეფას მომდევნო სხდომებზე გახდება ცნობილი.