"ასეთი მწვრთნელია სანიოლი" - მიქაუტაძემ უეფასთან მიცემულ ინტერვიუში ვილი დაახასიათა

14-12-2024, 16:25

Aa Aa

გაზიარება:

უეფას ჟურნალი The Technician ევროპის ჩემპიონატზე საქართველოს ნაკრების წარმატებული ასპარეზობას ვრცელი სტატიით გამოეხმაურა, სადაც ნაკრების ფორვარდმა გიორგი მიქაუტაძემ ამ ყველაფერში მთავარი მწვრთნელის, ვილი სანიოლის როლი შეაფასა.

"ნაკრებში მოსვლამდე მე ვესაუბრე ვილის, თუმცა საქართველოს მაისურით თამაშის გადაწყვეტილება უკვე მიღებული მქონდა, სანამ ის გუნდის მთავარ მწვრთნელად დაინიშნებოდა. მას შემდეგ, რაც მე მას გავესაუბრე და მის ხედვას გავეცანი, კიდევ უფრო მომინდა ამ გუნდში თამაში.

როგორც მწვრთნელი, ის ჩვენ მუდმივად გვიზიარებს თავის გამოცდილებას. ყველამ ვიცით, რომ ის დიდებული ფეხბურთელი იყო, რომელსაც ევროპისა და მსოფლიო ჩემპიონატებზე აქვს ნათამაშები. მან იცის, რა არის საჭირო ელიტურ დონეზე წარმატების მისაღწევად, და ყოველთვის ცდილობს, ყველა მოთამაშეს გაუზიაროს ეს ცოდნა", - განაცხადა მიქაუტაძემ.