უეფას C, B და A ლიცენზიის მქონე მწვრთნელებისთვის Refresh კურსზე რეგისტრაცია დაიწყო

საქართველოს ფეხბურთის ფედერაციის ტექნიკური დეპარტამენტი უეფას მწვრთნელთა განათლების C, B და A ლიცენზიის მქონე მწვრთნელებისთვის გადამზადების (Refresh) კურსს გეგმავს.

საგანმანათლებლო პროგრამაში მონაწილეობის მსურველ მწვრთნელებს, გთხოვთ, დარეგისტრირდეთ მითითებულ ბმულზე მიმდინარე წლის 30 ნოემბრის ჩათვლით.

უეფას მწვრთნელთა განათლების C, B და A ლიცენზიების Refresh კურსზე რეგისტრაცია შეუძლია ყველა მწვრთნელს, რომლის ლიცენზიას ვადა გაუვიდა ან მოქმედების ვადა 2024 წლის ბოლომდე ეწურება.

რეგისტრაციის შემდეგ, კურსზე მონაწილეობის მისაღებად კანდიდატმა უნდა წარადგინოს ნასამართლეობის ცნობა და ასევე ცნობა ნარკოლოგიური აღრიცხვიანობის შესახებ.

გადამზადების კურსების ღირებულება და ჩატარების თარიღები
C ლიცენზია - 100 ლარი | 12-13 დეკემბერი
B ლიცენზია - 200 ლარი | 16-17 დეკემბერი
A ლიცენზია - 400 ლარი | 18-19 დეკემბერი

კურსებთან დაკავშირებით კანდიდატები დამატებით ინფორმაციას რეგისტრაციისას მითითებულ ელექტრონულ ფოსტაზე მიიღებენ.

gff.ge