შეუდარებლად ითამაშა - რა შეფასება დაუწერეს ქოჩორაშვილს ალმერიასთან

29-09-2024, 18:07

Aa Aa

გაზიარება:

ლა ლიგა 2-ის რიგით მეშვიდე ტურში გიორგი ქოჩორაშვილის ლევანტემ ალმერიას უმასპინძლა და მეტოქე უხვგოლიან შეხვედრაში 4:2 დაამარცხა.

თავიდანვე ძირითად შემადგენლობაში იმყოფებოდა ქართველი ნახევარმცველი, რომელმაც ჯერ გოლი გაიტანა, შემდეგ კი საგოლე გადაცემა მიითვალა, რის გამოც ქოჩორაშვილმა 8.2 სარეიტინგო ქულა დაიმსახურა!

საქართველოს ნაკრების ერთ-ერთი ლიდერის გუნდი ესპანეთის მეორე დივიზიონის პირველ ადგილს მოპოვებული 14 ქულით იკავებს და უმაღლეს დივიზიონში აღზევების მთავარი ფავორიტია.

თავად გიორგი ქოჩორაშვილს მიმდინარე სეზონის ლა ლიგა 2-ში მონაწილეობა 6 თამაშში აქვს მიღებული, ქართველის ანგარიშზე კი 2 გოლი და ამდენივე საგოლე გადაცემაა.