საქართველო პოლონეთს უსწრებს - ევრო 2024-ის ნაკრებების რეიტინგები

31-05-2024, 19:43

Aa Aa

გაზიარება:

ევროპის ჩემპიონატის დაწყებამდე სულ უფრო და უფრო ცოტა დრო რჩება. ტურნირამდე ორი კვირით ადრე კი planet football-მა ევრო 2024-ზე მოასპარეზე ქვეყნების რეიტინგი გამოაქვეყნა.

აღსანიშნავია, რომ საქართველოს ნაკრები ამ რეიტინგში პოლონეთს და რუმინეთს უსწრებს.

"საქართველო ერთადერთი ნაკრებია, რომელიც ევროპის ჩემპიონატზე პირველად იასპარეზებს. მათ ხვიჩა კვარაცხელია, გიორგი მიქაუტაძე და გიორგი მამარდაშვილი ჰყავთ.

F ჯგუფიდან გასვლა რთული იქნება, სულაც შესაძლოა საქართველი პლეი-ოფშიც ვიხილოთ, თუმცა წინასწარ ვერაფერს ვიტყვით"

ცნობისთვის, საქართველოს ნაკრები ევროპის ჩემპიონატზე თავის პირველ შეხვედრას 18 ივნიის, თურქეთის წინააღმდეგ გამართავს.