საქართველოს იუვენტუსის ლეგენდარული ფეხბურთელი, დავიდ ტრეზეგე ეწვია, რის შესახებაც ინფორმაცია Juventus Academy Tsalenjikha-მ გაავრცელა.
"ლეგენდარული ფრანგი ფეხბურთელი დევიდ ტრეზეგე წალენჯიხას ესტუმრა, სადაც იუვენტუსის აკადემიის გახსნის ცერემონიაში მიიღო მონაწილეობა და აკადემიის აღსაზრდელებს მასტერკლასი ჩაუტარა."
"დევიდ ტრეზეგეს ვიზიტი საქართველოში 31 მაისს თბილისში გაგრძელდება", - წერს იუვენტუსის აკადემიის გვერდი, რომელიც წალენჯიხაში ფუნქციონირებს.
აღნიშნულთან დაკავშირებით პოსტი პოლიტიკოსმა მამუკა ხაზარაძემაც გამოაქვეყნა:
"დღეს, "იუვენტუსის" მენეჯმენტთან ერთად, ლისზე ის ტერიტორია მოვინახულეთ, სადაც მალე იუვენტუსის თბილისის აკადემიის კომპლექსი აშენდება, თავისი საწვრთნელ-სარეაბილიტაციო ცენტრითა და სხვა დამხმარე ინფრასტრუქტურით."
"ეს იქნება საქართველოს სამარკო ნიშანი, როგორც მასშტაბური საერთაშორისო ინფრასტრუქტურული პროექტი, რომლის ანალოგიც მხოლოდ ტურინის იუვენტუსის აკადემიაა. ჩვენი ბავშვები იმსახურებენ წარმატებულ და ჯანსაღ მომავალს!", - წერს ხაზარაძე.