40 მილიონი გამზადებულია - მამარდაშვილის ახალი კლუბი ცნობილია?

1-06-2024, 20:58

Aa Aa

გაზიარება:

გიორგი მამარდაშვილის "ვალენსიიდან" შესაძლო გადაბარგება სტოლე დიმიტრიევსკის ტრანსფერმა თითქმის რეალურად აქცია.

მაკედონიელმა მეკარემ დღეს გააფორმა "ღამურებთან" ხელშეკრულება, რომელიც 2028 წლის ზაფხულამდეა გათვალისწინებული.

რა ბედი ელის მამარდაშვილს? მისით "ატლეტიკო" მადრიდია დაინტერესებული, მაგრამ ინგლისიდან უფრო რეალური შემოთავაზება მოდის.

კერძოდ, "ნიუ კასლი" მზადაა ქართველი მეკარისთვის 40 მლნ ევრო ახლავე გაიღოს, თუ მხარეები ტრანსფერზე შეთანხმდებიან, რისი ალბათობაც საკმაოდ მაღალია.

"Marca" იუწყება, რომ ძალიან დიდია მამარდაშვილის "ნიუკასლში" გადაბარგების ალბათობა.

შეგახსენებთ, რომ გიორგი ლა ლიგაში მიმდინარე სეზონის საუკეთესო მოთამაშედ დასახელდა და 3 სეზონის შემდეგ მოახერხა, რომ "ვალენსიას" რიგებში 100 მატჩი ჩაეტარებინა.