საუკეთესო მეცის რიგებში - რა შეფასება დაიმსახურა გიორგი მიქაუტაძემ პსჟ-ს წინააღმდეგ?

20-05-2024, 01:17

Aa Aa

გაზიარება:

ლიგა 1-ის ბოლო, 34-ე ტურში გიორგი მიქაუტაძის მეცი საფრანგეთის ჩემპიონს, პსჟ-ს, შინ დაუპირისპირდა და ანგარიშით 0:2 დამარცხდა.

რა თქმა უნდა მატჩის ფავორიტი პარიზული გრანდი გახლდათ, რომელმაც მოწინააღმდეგეს ჯერ მე-7 წუთზე გაუტანა, ხოლო საბოლოო ანგარიში 12-ე წუთზევე დაფიქსირდა, როდესაც ლი კანგ ინმა ოუკიჯას კარი აიღო.

90 წუთის ამოწურვის შემდეგ, SofaScore-მა ფეხბურთელები ჩატარებული მატჩის მიხედვით შეაფასა - მიქაუტაძემ საკუთარი გუნდის მაისურით მეორე საუკეთესო სარეინტინგო ქულა დაიმსახურა (7.4)

მიუხედავად კარგი სეზონისა, მეცი უმაღლეს დივიზიონში დასარჩენად ლიგა 2-ის პლეიოფის გამარჯვებულთან იბრძოლებს.