ჯანაშია ფინალშია - ქართველი ხარი უძლიერესის წოდებას უახლოვდება » SPORTLINE.GE - სპორტის ხაზი

ჯანაშია ფინალშია - ქართველი ხარი უძლიერესის წოდებას უახლოვდება

ჯანაშია ფინალშია - ქართველი ხარი უძლიერესის წოდებას უახლოვდება
18-06-2021, 23:59
Aa Aa
გაზიარება:

"ქართველი ხარი" კონსტანტინე ჯანაშია World’s Strongest Man-ის ფინალშია! ის ორწლიანი პაუზის შემდეგ აშშ-ში მიმდინარე ტურნირის მოსაგებად იბრძვის.

მსოფლიო ჩემპიონატი დაიწყო 15 ივნისს და 20-ში დასრულდება. პირველ ეტაპზე 5-ჯგუფში 5 სპორტსმენი იყო გადანაწილებული, ფინალში კი 2 საუკეთესო კი გავიდა. სატიტულო ეტაპზე სულ 10 სტონგმენი გამოვა. ფინალური დაპირისპირებები 19 და 20 ივნისს გაიმართება. 

ქართველი მეოთხე ჯუფში გახლდათ და 17 ქულით პირველ ადგილზე, ფინალურ სტადიაზე კი ლიდერის სტატუსით გავიდა. ჯგუფურ ეტაპზე კონსტანტინემ 4 მოძრაობის შემდეგ ფინალში გასვლა გაინაღდა და დარჩენილი 2 მოძრაობა აღარ შეასრულა, როგორც ჩანს, ძალები დაზოგა.

ბოლოს ჯანაშია მსოფლიოს ჩემპიონატზე 2019 წელს ასპარეზობდა, ფინალის მეორე მოძრაობის დროს სამთავა კუნთი გაიწყვიტა და ტურნირს გამოეთიშა. "ქართველი ხარი" აღნიშნულ ტურნირზე გამოსვლას 2020 წელსაც გეგმავდა, თუმცა კორონავირუსის პანდემიის გამო ჩაიშალა. გადადებული შეჯიბრი გასული წლის ნოემბერში შედგა, თუმცა მაშინ ჯანაშიას ტურნირამდე ცოტა ხნით ადრე კოვიდ-19 დაუდასტურდა და წლის მთავარი ასპარეზობა გამოტოვა.

კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი