დიდი სირცხვილი, რაგბის კავშირი ლიეტუვის წარმომადგენლებს უპატივცემულოდ მოექცა » SPORTLINE.GE - სპორტის ხაზი

დიდი სირცხვილი, რაგბის კავშირი ლიეტუვის წარმომადგენლებს უპატივცემულოდ მოექცა

დიდი სირცხვილი, რაგბის კავშირი ლიეტუვის წარმომადგენლებს უპატივცემულოდ მოექცა
31-05-2021, 20:30
Aa Aa
გაზიარება:

ლიეტუვის 7-კაცა მორაგებთა ნაკრები თბილისში საქართველოს ნაკრებთან სათამაშოდ ჩამოვიდა, მაგრამ დაგეგმილი შეხვედრები გაუქმდა. მიზეზი კი ისაა, რომ ქართველ მორაგბეებს კორონავირუსი დაუდასტურდათ.

უცნაურია, მაგრამ საქართველოს რაგბის კავშირმა აღნიშნული ფაქტის თაობაზე ლიეტუველებს არ აცნობა. ტვ პირველის ცნობით, ლიეტუველებს აეროპორტში საქართველოს არც ერთი წარმომადგენელი არ დახვდა და ლიეტუვის დელეგაცია არც მაშინ მოიკითხეს, როცა ისინი სასტუმროში დაბინავდნენ.

ლიეტუვის 7-კაცა ნაკრების წინააღმდეგ თამაშის სურვილი სამმა ქართულმა კლუბმა: ლოკომოტივმა, იუნკერებმა და სამხატვრო აკადემიამ გამოთქვა, რისთვისაც, ლიეტუვის რაგბის ფედერაცია მათ მადლობას უხდის.

ლიეტუვის რაგბის ფედერაციის წარმომადგენელი:

'როცა ჩამოვფრინდით არავინ დაგხვდა, თქვეს რომ პრობლემები ქონდათ გუნდში და ვერ დაგვეხმარებოდნენ. მეტი არაფერი უთქვამთ, სულ ეს იყო. არ მინდა კიდევ ბევრი ცუდი რამე ვთქვა, მაგრამ ეს ძალიან უცნაური იყო და გაკვირვებული დავრჩი. მართლაც დიდია რაგბის კავშირი და ჩვენს ქვეყნებს დიდი ხნის მეგობრობა აკავშირებთ. მიუხედავად ამისა, არ მგონია, რომ მომავალში ვითანამშრომლებთ. ეს იყო ყველაზე დიდი უპატივცემულობა როგორც ლიეტუვის რაგბის კავშირისათვის, ასევე მთელი ქვეყნისთვის. ჩვენ საქართველოში ჩამოვედით და ერთი პირიც კი არ გამოგვიყვეს, ვინც დაგვხვდებოდა. მადლობას ვუხდით კლუბებს, რომლებიც თავისი ინიციატივით დაგვეხმარნენ.'

აღნიშნულ ფაქტთან დაკავშირებით საქართველოს რაგბის კავშირს კომენტარი ამ დრომდე არ გაუკეთებია.

კომენტარის დამატება
კოდის განახლება
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.


დღის ხაზი