"ბარსელონას" პრეზიდენტმა, ჟოან ლაპორტამ "ინტერთან" (3:3) დაპირისპირების შემდეგ, მედიასთან კომენტარი გააკეთა, სადაც მსაჯების მიმართ უკმაყოფილებაც ვერ დამალა.
"რთულ ჯგუფში მოვხვდით, ბაიერნთან კარგად გამოვიყურებოდით და გამარჯვება შეგვეძლო, მაგრამ VAR-ი დემბელეს ეპიზოდში შეცდა, თერთმეტმეტრიანს აუცილებლად ვიმსახურებდით. მსაჯების გადაწყვეტილებები არც ინტერთან მატჩში მომეწონა, ამ საკითხზე უეფას ოფიციალური წინადადებით მალე მივმართავ" - განაცხადა ესპანელმა.
შეგახსენებთ იმასაც, რომ ესპანური გრანდი ჩემპიონთა ლიგის C ჯგუფში მესამე ადგილზეა და უახლოეს მდევარს (ინტერს) სამი ქულით ჩამორჩება.