დღეს, ლა ლიგის მე-20 ტურში ხირონა საკუთარ მოედანზე ვალენსიას დაუპირისპირდა და მინიმალური ანგარიშით 1:0 იმარჯვა.
სასტარტო შემადგენლობაში იყო და მარცხის მიუხედავად გამორჩეული შეხვედრა ჩაატარა ქართველმა მეკარემ გიორგი მამარდაშვილმა, რომელსაც 7 მოგერიება ჰქონდა. განსაკუთრებით რთული იყო ბოლო მოგერიებული ბურთი, რომელიც ბევრს ჯალუიჯი ბუფონის ისტორიულ სეივს გაგახსენებდათ.
შეხვედრის დასრულების შემდეგ, Sofascore-მა ფეხბურთელები ჩატარებული მატჩის მიხედვით შეაფასა. ქართველმა მეკარემ 7.9 ქულა დაიმსახურა და საკუთარი გუნდის რიგებში საუკეთესო გახლდათ.
გეტყვით იმასაც, რომ ამ წაგების შემდეგ, ღამურებს გასავარდნ ზონასთან მხოლოდ ქულა აშორებს.