მიხეილ ნარიაშვილი რაგბის ქომაგებისთვის უცხო პერსონა არ არის. იგი ერთ-ერთი გამორჩეული პირველხაზელია და დიდხანს იცავდა ჩვენი ქვეყნის ღირსებას. ამავდროულად ნარიაშვილი Top 14-ის ჩემპიონატში სტაბილურად ასპარეზობდა. მიხეილს ცოტა ხნის წინ ტრავმის გამო ოპერაციის ჩატარება მოუწია და საუბარი იყო, რომ კარიერას დაასრულებდა, მაგრამ გუშინ გავრცელებული ინფორმაციის თანახმად, იგი კარიერას პირველ ქართულ ფრენჩაიზში, “შავ ლომში” განაგრძობს.
“თუ საჭიროდ ჩათვლიან რომ ნაკრებში თამაშს ვიმსახურებ, დიდი სიამოვნებით. ჩემი მიზანი 2023 წლის მსოფლიო თასზე საქართველოსთან ერთად ყოფნაა” - განაცხადა მიხეილ ნარიაშვილმა.