დღეს, 00:00 საათზე ესპანეთის ჩემპიონატის მე-18 ტურის შეხვედრა შედგება, სადაც გიორგი მამარდაშვილის ვალენსია ლა ლიგის მე-15 ადგილოსან ალმერიას უმასპინძლებს.
ამჟამად, ქართველი მეკარის გუნდი შიდა ჩემპიონატში მე-13 ადგილს 19 მოპოვებული ქულით იკავებს და იმ შემთხვევაში, თუ "ღამურები" ალმერიას დაამარცხებენ, ისინი ერთბაშად 2 პოზიციით დაწინაურდებიან, გზად ორ კატალონიურ კლუბს, ჟირონასა და ესპანიოლს ჩამოიტოვებენ და მე-11 პოზიციაზე გადავლენ.
ალბათ, იმის შეხსენებაც აღარ გჭირდებათ, რომ გიორგი მამარდაშვილი სასტარტო XI-ში იქნება, რომელსაც ვალენსიას მთავარი მწვრთნელისგან, ჯენარო გატუზოსგან უდიდესი ნდობა აქვს მიღებული. შეიძლება ითქვას, რომ საქართველოს ნაკრების კარის დარაჯი იტალიელი სპეციალისტის ერთ-ერთი საყვარელი და ხშირად არჩევადი ფეხბურთელია.
ყოველი შემთხვევისთვის, გაგაცნობთ უცხოური სპორტული ვებგვერდის, Sportsmole-ს მხრიდან შედგენილ ვალენსიას სავარაუდო შემადგენლობას, სადაც გიორგი მამარდაშვილსაც ვხვდებით: მამარდაშვილი | კორეია, კომერტი, დიახაბი, გაია | მუსა, გილამონი, ალმეიდა | ლინო, კავანი, კლუივერტი.
რაც შეეხება მატჩის საყურებელ გვერდებს, ისინი შემდეგნაირად გამოიყურებიან: