შემოგვიერთდით

'იქ ვიყავი და რაღაცეებში ეჭვი შემეპარა' - ყოფილმა მსაჯმა გუშინდელი შეხვედრის არბიტრი საჯაროდ გააკრიტიკა

5-01-2023, 20:57

Aa Aa

გაზიარება:

'ინტერისა' და 'ნაპოლის' მატჩის შემდეგ, კრიტიკის ქარცეცხლში გუშინდელი შეხვედრის მთავარი არბიტრი სიმეონე სოზა გაეხვია, რომელსაც ბევრი არასწორი გადაწყვეტილებების გამო აკრიტიკებდა.

გუშინდელ მატჩს DAZN-ის ყოფილი მსაჯი და ამჟამად მსაჯის კომენტატორი, ლუკა მერელიმი გამოეხმაურა, რომელმაც მილანელი არბიტრის მიერ მიღებული გადაწყვეტილებები შეაფასა და სოციალურ ქსელში პოსტი გამოაქვეყნა.

"გუშინ საღამოს ჯიხურში ვიყავი ინტერ-ნაპოლის ეპიზოდებზე კომენტარისთვის. მე იქ ვიყავი და ყველაფერს ვაკვირდებოდი, ამიტომ მინდა ამ პოსტის საშუალებით ჩემი მოსაზრება დავაფიქსირო სოზას მიერ მიღებულ გადაწყვეტილებებზე.

ტექნიკურ დონეზე ძალიან რთული მატჩი იყო, მსაჯს პირველ ტაიმში ანგისას მისამართით დარღვეულ თამაშზე არაფერი უთქვამს, მითუმეტეს წესების დარღვევა აშკარა იყო. რაზეც ვერაფერს ვიტყვით მისი ადეკვატურობა იყო, განსაკუთრებით ბოლო წუთებში, ამ თვალსაზრისით, საჩივარი არაფერია. ქცევითი თვალსაზრისით, ის უნაკლო იყო მთელი მატჩის განმავლობაში, მოერიდა ყოველგვარ ზედმეტ კონტაქტს/დიალოგს ფეხბურთელებთან.

დისციპლინური ასპექტი არის ის ასპექტი, რომელიც ყველაზე ნაკლებად მომეწონა წუხელ. თუ, მთლიანობაში, მატჩი იყო უმაღლესი დონის, გუშინ ღამით იყო გარკვეული ხარვეზები, მაგალითად ყვითელ ბარათებზე, სადაც მსაჯს თავისი ძალა უნდა ეჩვენებინა.

ინტერი-ნაპოლის მთავარი არბიტრი: სიმეონე სოზა

ეიფორიით გატაცების გარეშე, ამ მხრივ სოზა შორს იყო სრულყოფილისგან. მას სამი სავალდებულო ყვითელი ბარათი უნდა ეჩვენებინა ფეხბურთელებისთვის: სკრინიარი კვარაცხელიაზე მე-13 წუთზე, ბარელა კვარაცხელიაზე 33-ე წუთზე და ჩალანოღლუ პოლიტანოზე 48-ზე." - დაწერა ლუკა მერელიმიმ თავის Facebook გვერდზე.

გეტყვით იმასაც, რომ ამ გამარჯვების შემდეგ, ნერაძური მე-4 ადგილზე გადავიდა, ხოლო 'ნაპოლი' 41 ქულით ისევ იტალიის ჩემპიონატის ლიდერია.